Edmar Laserda. «Muras Yunayted» ijtimoiy tarmog‘idan olingan fotosurat
Qirg‘iziston Olimpiya terma jamoasi bosh murabbiyi va ukraina-braziliyalik mutaxassis Edmar Lacerda 24 noyabrdan Manas (sobiq Jalolobod) futbol klubi «Muras Yunayted»ni boshqaradigan bo‘ldi. Klub Qirg‘iziston Milliy xavfsizlik davlat qo‘mitasi (MXDQ) va Qirg‘iziston futbol ittifoqi rahbari Kamchibek Tashiyev bilan bog‘liq. Lacerda o‘yinchilarga nisbatan qo‘pol so‘zlar ishlatgani uchun ishdan bo‘shatilgan ukrainalik Sergey Puchkov o‘rnini egalladi.
Klub matbuot xizmatining xabar berishicha, Edmar yoshlar terma jamoasi va klub bosh murabbiyi sifatidagi vazifalarini birlashtiradi. Bu qishda Olimpiya terma jamoasi 23 yoshgacha bo‘lganlar o‘rtasidagi Osiyo kubogida o‘ynaydi va mart oyida «Muras Yunayted» OFK Chaqiruv ligasi pley-off bosqichidagi birinchi o‘yinini Livanning «Al-Ansar» klubiga qarshi o‘tkazadi.
«Farg‘ona» xabariga ko‘ra, Edmar Lacerda Qirg‘iziston terma jamoasi bosh murabbiyi lavozimiga ko‘rib chiqilgan, ammo tayinlov U-23 Osiyo kubogidan keyinga qoldirilgan. Asosiy jamoa jadvalida 2027 yilgi Osiyo Kubogi boshlanishiga qadar rasmiy o‘yinlar yo‘q.
Edmar Golovskiy (Laserda) — Braziliyada tug‘ilgan. U 23 yoshida Ukraina chempionatiga o‘tgan, Simferopolning «Tavriya» va Xarkovning «Metallist» jamoalarida o‘ynagan. U Ukraina fuqaroligini olgan va milliy terma jamoaga chaqirilgan. 2019 yildan beri u «Metallist»da turli murabbiylik lavozimlarida ishlagan, 2014 yilda esa Kostanayning «Tobol» klubida yordamchi murabbiy bo‘lib ishlagan.
U shu yilning aprel oyida Qirg‘iziston yoshlar terma jamoasini qabul qilib oldi va uni U-23 Osiyo kubogiga olib chiqdi.
